Холбоо барих

  7011-6969, 9595-6969
Монгол улс, Улаанбаатар хот, Чингэлтэй дүүрэг, 6-р хороо, Их тойруу - 27, Rich Зочид буудлын 2-р давхар

ЮНЕСКО-ийн Дэлхийн байгалийн өв Халла уул

Үзэсгэлэнт Чэжү арлын голд байрлах Дэлхийн байгалийн өв Халла уул нь далайн түвшнээс дээш 1950м өргөгдсөн Өмнөд Солонгосын хамгийн өндөр уул юм. Уг ууланд бурхад болон сүнснүүд амьдардаг гэж үзэн нутгийн хүмүүс шүтэж биширдэг байна. 

Халла уул нь Жэжү арлын бахархал бөгөөд арлын хамгийн дурсгалтай газар юм. Уулын хадны тогтоц нь гайхамшигтай сүрлэг харагдах бөгөөд Халла уул нь галт уулын идэвхжлээр үүссэн юм. Хамгийн сүүлийн дэлбэрэлт нь 5000 жилийн өмнө хэмээн тооцдог.

Халла уулын оргилд байрлах Бегнугдам нь 550м тойрог,  1.6га талбайтай, 108м гүн тогоо, тогооны төвд нуур тогтсон байдаг ба жилийн 4 улиралд өнгө нь үнэхээр гайхамшигтай тод ялгагдан харагддаг.

Халла уулын экосистэмд 1800 төрлийн ургамал, 4000 төрлийн амьтад (3,300 зүйл шавьж) бүртгэгдсэн байдаг байна. 

Байгалийн олон төрөл зүйлийг хадгалан хамгаалахын тулд уулыг 1966 онд Өмнөд Солонгосын Засгийн газрын 182-1 тоот тогтоолоор  Байгалийн дурсгалт газар гэж зарлажээ.

Уулын эргэн тойрондох талбайг  байгалийн цогцолборт газар болгон өргөжүүлж, жуулчид аялахад тохиромжтой орчинг бүрдүүлэн тохижуулсан бөгөөд уулын оргилоос Чэжү арлын үзэсгэлэнт байгалийг бүхэлд нь тольдон харах боломжтой юм.

Чэжү арлаар зочилсон жуулчид Халла уулыг заавал очиж үздэг ба зарим аялагчид энд явган аялал хийхэд тохиромжтой, үзэсгэлэнт байгальтай хэмээн магтдаг.

Ийм гайхамшигтай байгаль, экосистемтэй учраас ЮНЕСКО-ийн Дэлхийн байгалийн өв санд бүртгэжээ.

Цэлмэг тэнгэр, цэнгэг далайтай Үзэсгэлэнт "ЧЭЖҮ АРАЛ”-ын аялал /Виз хүсэх шаардлагагүй/
Шууд нислэгтэй аялал: 2019 оны 06 сарын 06
Аяллын үнэ: 2.290.000₮
Аяллын хугацаа: 4 шөнө, 5 өдөр
Аяллын зөвлөх: 9595-6969, 9595-4949 


Бусад мэдээ